എറണാകുളം: കനത്ത മഴയെ തുടർന്ന് കേരളത്തിലൂടെ ഓടുന്ന ട്രെയിനുകൾ വൈകി ഓടുന്നു. ട്രാക്കുകളിൽ മരം വീണതും കനത്ത മഴയും കാരണമാണ് ട്രെയിനുകൾ വൈകി ഓടുന്നത്. തിരുവനന്തപുരത്ത് നിന്ന് സര്‍വീസ് ആരംഭിക്കുന്ന നിരവധി ട്രെയിനുകളാണ് വെെകി ഓടികൊണ്ടിരിക്കുന്നത്.
ഇന്നലെ രാത്രിയിലും ട്രെയിനുകള്‍ വെെകിയിരുന്നു. രാത്രി 9.30 ന് തിരുവനന്തപുരത്ത് എത്തേണ്ടിയിരുന്ന ജനശതാബ്ദി രാത്രി 1.30 ന് ആണ് തിരുവനന്തപുരത്ത് എത്തിയിരുന്നത്.
വൈകി ഓടുന്ന പ്രധാന ട്രെയിനുകളും വെെകി ഓടുന്ന സമയവും
- തിരുവനന്തപുരം -ഷൊർണൂർ വേണാട് എക്‌സ്പ്രസ് - അര മണിക്കൂർ വൈകി ഓടുന്നു
- തിരുവനന്തപുരം - മംഗലാപുരം പരശുറാം എക്‌സ്പ്രസ് ഒരു മണിക്കൂർ വൈകി ഓടുന്നു
- നാഗർകോവിൽ - മംഗലപുരം ഏറനാട് എക്‌സ്പ്രസ് ഒരു മണിക്കൂർ വൈകി ഓടുന്നു
- കാസർഗോഡ് നിന്നും തിരുവനന്തപുരത്തെക്കുള്ള വന്ദേഭാരത് ഒന്നര മണിക്കൂർ വൈകി ഓടുന്നു
- മുംബൈയിൽ നിന്നും തിരുവനന്തപുരത്തെക്കുള്ള നേത്രാവതി എക്‌സ്പ്രസ് ഒന്നര മണിക്കൂർ വൈകി ഓടുന്നു
- ഗുരുവായൂർ എക്‌സ്പ്രസ്സ് രണ്ട് മണിക്കൂർ വൈകി ഓടുന്നു
- ഗുരുവായൂർ തിരുവനന്തപുരം ഇന്റർസിറ്റി എക്‌സ്പ്രസ് രണ്ട് മണിക്കൂർ വൈകി ഓടുന്നു
- കന്യാകുമാരി എക്‌സ്പ്രസ് 45 മിനിറ്റ് വൈകി ഓടുന്നു
Content Highlights: Kerala Monsoon Tree falls on Rail track, trains running late and timings